წალენჯიხის მუნიციპალიტეტის სოფელ სქურში ტყე ისევ იწვის. საგანგებო სიტუაციების მართვის სამსახურში აცხადებენ, რომ ფოთლოვანი ტყის ქვედა საფარს ორ კერად, 100 და 200 მეტრი სიგრძის ზოლზე უკიდია. მათი თქმით, ღამის განმავლობაში მონიტორინგი გაგრძელდება, ხილვადობის აღდგენისთანავე კი ქრობის სამუშაოები განახლდება.

"რთული რელიეფისა და ხილვადობის გამო, ცეცხლის კერამდე სახანძრო ავტო ტექნიკის მიყვანა ვერ ხერხდება. მეხანძრე-მაშველები ქვეითად გადაადგილდებიან", — აცხადებენ საგანგებო სიტუაციების მართვის სამსახურში. მათივე ცნობით, ხანძრის სიახლოვეს დასახლებული პუნქტი არ არის.

სქურის ტყეში ხანძარი, დაახლოებით, დღის მეორე ნახევარში გაჩნდა.