დროებითი შემსუბუქების შემდეგ, 3 იანვრიდან საახალწლოდ გახსნილი მაღაზიები და სავაჭრო ცენტრები კვლავ იკეტება. მთავრობის გადაწყვეტილებით, 2 კვირის განმავლობაში უქმე დღეებია გამოცხადებული. პროდუქციის შეძენა ისევ მხოლოდ ონლაინ იქნება შესაძლებელი. სასურსათო, ზოომაღაზიები და აფთიაქები მუშაობას ჩვეულ რეჟიმში გააგრძელებენ.

გუშინ, პირველი იანვრის 21:00 საათიდან დილის 05:00 საათამდე ქვეყნის მასშტაბით გადაადგილება კვლავ შეიზღუდა. გადაადგილებაზე შეზღუდვა გამონაკლისის სახით ახალი წლის ღამით მოიხსნა. მორიგი გამონაკლისი 6 იანვრის ღამეს იქნება, როცა საქართველოს მართლმადიდებელი ეკლესია შობას აღნიშნავს.