თელავის პოლიციასთან აქციის მონაწილეები შეიკრიბნენ, რა დროსაც აქციის ერთი მონაწილე, მოძრაობა საქართველოს წევრი, გივი ცინცაძე დააკავეს.

შინაგან საქმეთა სამინისტროში On.ge-ს განუცხადეს, რომ მოქალაქე ადმინისტრაციული სამართალდარღვევათა კოდექსის 173-ე მუხლით დააკავეს, რაც პოლიციის კანონიერი მოთხოვნისადმი დაუმორჩილებლობას გულისხმობს.

ნაციონალური მოძრაობის წარმომადგენლის, ნიკა ნარსიას თქმით, ისინი გუშინ, პირველ იანვარს მომხდარი ინციდენტის დროულ გამოძიებას მოითხოვენ. სამოქალაქო აქტივისტების თქმით, 1 იანვარს, თელავის თეატრის წინ მდებარე კარავში ორი პირი ავტომანქანით შეღწევას შეეცადა, რა დროსაც კარავი დაზიანდა, მათ სიცოცხლეს კი საფრთხე შეექმნა.

რუსთავის 2-ის ინფორმაციით, აქციის მონაწილეებმა ადგილზე კარვების გაშლა და გზის გადაკეტვაც სცადეს, რისი საშუალებაც მათ სამართალდამცველებმა არ მისცეს.

განახლება:

მოძრაობა საქართველოსთვის ცნობით, პოლიციამ გივი ცინცაძე უკვე გაათავისუფლა.