თელასისა და ენერგო-პრო ჯორჯიას მომხმარებლებისთვის, თბილისსა და რეგიონებში denis ტარიფი იზრდება. საუბარია როგორც არასაყოფაცხოვრებო, ისე საყოფაცხოვრებო ტარიფზე. სემეკის გადაწყვეტილება ძალაში პირველი იანვრიდან შედის.

საყოფაცხოვრებო მოხმარების ელექტროენერგიის ნაწილში ზრდა დაახლოებით 3,5 თეთრია. ხოლო რაც შეეხება კომერციულ ნაწილს, ის დიფერენცირებულია საფეხურების მიხედვით და 11-დან 13-თეთრამდე მერყეობს. ორივე კომპანიის წარმომადგენლებმა სხდომაზე განაცხადეს, რომ ტარიფი ზრდა უფრო მაღალი უნდა იყოს.

თელასი

ენერგო პრო-ჯორჯია

საყოფაცხოვრებო ტარიფი (დღგ-ს ჩათვლით):

  • 0-101 კვტსთ-ის ჩათვლით — მოქმედი ტარიფი 14,237 თეთრი და ახალი ტარიფი 17,731 თეთრი;
  • 101-301 კვტსთ — მოქმედი ტარიფი 18,213 თეთრი და ახალი ტარიფი 21,707 თეთრი;
  • 301 კვტსთ-ზე მეტი — მოქმედი ტარიფი 22,733 თეთრი და ახალი ტარიფი 26,227 თეთრი.

არასაყოფაცხოვრებო ტარიფი (დღგ-ს ჩათვლით):

  • 110-35კვ. — მოქმედი ტარიფი 14,860 თეთრი/კვტ.სთ და ახალი ტარიფი 28,267 თეთრი/კვტ.სთ
  • 10-6-3,3კვ — მოქმედი ტარიფი 16,251 თეთრი/კვტ.სთ და ახალი 30,879 თეთრი/კვტ.სთ;
  • 0,4კვ — მოქმედი ტარიფი 21,083 თეთრი/კვტ.სთ და ახალი ტარიფი 31,960 თეთრი/კვტ.სთ.

სემეკის სხდომაზე საკითხის განხილვის პარალელურად პრემიერმინისტრმა, გიორგი გახარიამ განაცხადა, რომ მომავალ წელს მოსახლეობის უმრავლესობას ელ.ენერგიის გაძვირებით გამოწვეული სხვაობა აუნაზღაურდება. შეღავათი შეეხება მათ, ვინც 300 კილოვატამდე ელექტროენერგიას მოიხმარს.