ეკონომიკისა და ეკონომიკური პოლიტიკის კომიტეტის თავმჯდომარის მოადგილის, ბექა ლილუაშვილის თქმით, უპრეცენდენტო მასშტაბის კრიზისთან გვაქვს საქმე და მსგავსი ტიპის ეკონომიკური კრიზისი არ ყოფილა არსად.

"უპრეცენდენტო მასშტაბის კრიზისთან გვაქვს საქმე. ბოლო ასწლეულის მანძილზე მსგავსი ტიპის ეკონომიკური კრიზისი არ ყოფილა არსად. ეს არის გლობალური გამოწვევა და გვესმის ჩვენი მოქალაქეების, ვინც პანდემიის შედეგად სამსახური და შემოსავალი დაკარგა. სწორედ იმიტომ აკეთებს მთავრობა იმას, რასაც აკეთებს. რა თქმა უნდა, ტარიფის გაზრდის შემთხვევაში, ეს იქნება დამატებითი ტვირთი ჩვენი მოქალაქეებისთვის, ეს ფაქტია და შეუძლებელია ამის უარყოფა", — ამბობს ლილუაშვილი.

ლილუაშვილის თქმით, დღეის მდგომარეობით, ასეთი ტვირთის დაწოლის საფრთხე არ არსებობს, რადგან 1 მილიონ 200 ათას აბონენტზე, კომუნალური გადასახადების სუბსიდირება ხდება მთავრობისგან.