თბილისის მერის, კახა კალაძის თქმით, გლდანში ხიზანიშვილის ქუჩის სარეაბილიტაციო სამუშაოებისას სავარაუდო სისხლის სამართლის დანაშაული იკვეთება. როგორც მერმა მთავრობის სხდომა განმარტა, საქმე დამატებითი მოკვლევისთვის გენერალურ პროკურატურას გადაეცემა.

კახა კალაძის თქმით, შიდა აუდიტის შედეგად საპროექტო დოკუმენტაციაში ხარვეზები დადგინა, რის გამოც მერიამ თითქმის 85 ათასი ლარით იზარალა.

"საპროექტო დოკუმენტაციაში ხიზანიშვილისა და ვეკუას ქუჩებზე არსებული სანიაღვრე ქსელის შეცვლის საჭიროების გაუთვალისწინებლობის გამო დოკუმენტაციაში იყო სერიოზული ხარვეზები და მთელი ჯაჭვი პრობლემებისა", — აღნიშნა მერმა.

აგვისტოს ბოლოს ხიზანიშვილის ახალრეაბილიტირებულ ქუჩაზე ასფალტის საფარი ჩავარდა. აღნიშნული პრობლემა მერიაში უხვი ნალექის მოსვლას დაუკავშირეს. მერის მოადგილემ, ირაკლი ბენდელიანმა განმარტა, რომ უხვი ნალექის შედეგად სანიაღვრე არხების დაიტბორა, რაც გზის დაზიანება გამოიწვია.