20 იანვრიდან ამერიკას ოფიციალურად ეყოლება ახალი პრეზიდენტი, თუმცა მანამდე ბარაკ ობამამ გადაწყვიტა, საკუთარი საპრეზიდენტო ვადის ბოლო დღეები ნაყოფიერად გამოეყენებინა და მხარდამჭერებს მცირე სიურპრიზი მოუწყო. მისი ინიციატივით, თეთრი სახლის ფეისბუქის გვერდზე ნებისმიერ მსურველს შეეძლება შენობაში ვირტუალურად გაისეირნოს.

მსურველებს გიდებად თავად ბარაკი და მიშელი მოევლინებიან. სწორედ მათი ხმა მიჰყვება ფონად 360° ვიდეოს, რომელიც თეთრი სახლის ინტერიერსა და ექსტერიერს გაჩვენებთ. ასე რომ, თუ თეთრ სახლში პრეზიდენტთან შეხვედრის სიამოვნება არ გქონიათ, გული არ გაიტეხოთ. ამისთვის ვაშინგტონში ჩასვლა სულაც არაა საჭირო.