საქართველოს ჭადრაკის ფედერაციის ორგანიზებით, 10 წლამდე ასაკის მოჭადრაკეთა შორის საქართველოს ჩემპიონატი გაიმართა. გოგონათა შორის ჩემპიონატში გამარჯვება რეგიონის წარმომადგენლებმა მოიპოვეს.

ადგილები ასე გადანაწილდა:

  • I ადგილი — კესარია მგელაძე (ბათუმი; მწვრთნელი ნიკოლოზ მანაგაძე) – 7,5 ქულა;
  • II ადგილი — თეკლა კოღუაშვილი (ქუთაისი; მწვრთნელი ხათუნა გუბელაძე) – 7 ქულა;
  • III ადგილი - მართა ძნელაძე (ქუთაისი; მწვრთნელი ნონა ჭეფხოძე) – 7 ქულა.

ფოტო: საქართველოს ჭადრაკის ფედერაცია / Facebook

დაძაბული გამოდგა 10 წლამდე ბიჭების ჩემპიონატის დასკვნითი ტურიც. გადამწყვეტი, საჩემპიონო პარტია დათა ყალაბეგაშვილმა მოიგო.

ფოტო: საქართველოს ჭადრაკის ფედერაცია / Facebook

კესარია მგელაძე 2019 წელს 9 წლამდე ასაკის მოსწავლეთა შორის ჭადრაკში ევროპის ჩემპიონი იყო. პატარა მოჭადრაკის სხვა მიღწევებს შორისაა:

  1. აჭარის ჩემპიონი 8 და 10 წლამდე გოგონათა და 12 წლამდე ჭაბუკთა შორის;
  2. საქართველოს ჩემპიონი და ფედერაციის თასის გამარჯვებული 8 წლამდე გოგონათა შორის;
  3. საქართველოს სასკოლო ჩემპიონატის გამარჯვებული 9 წლამდე გოგონათა შორის;
  4. მსოფლიო სასკოლო ჩემპიონატის ვერცხლის პრიზიორი 9 წლამდე ბავშვთა შორის.