მთავარი არხის დაკვეთით ჩატარებული IPSOS-ის კვლევის თანახმად, მომდევნო კვირას, რომ საპარლამენტო არჩევნები იყოს მოსახლეობის 25% ქართულ ოცნებას მისცემდა ხმას, 15,5% — ერთიან ნაციონალურ მოძრაობას და გაერთიანებულ ოპოზიციას, 5% — ევროპულ საქართველოს.

ასევე, 3-3 პროცენტს ინაწილებენ — სტრატეგია აღმაშენებელი, ლეიბორისტული პარტია და პატრიოტთა ალიანსი. 2,5% აქვს გირჩსა და ერთიან საქართველოს. რაც შეეხება გამოკითხულთა 19%-ს, მათ კითხვაზე პასუხი არა აქვთ, ხოლო 14%-მა პასუხზე უარი განაცხადა.

ფოტო: კადრი ვიდეოდან / მთავარი არხი

IPSOS-მა კვლევა მთავარი არხის დაკვეთით ჩაატარა. არხის ინფორმაციით, კვლევა 10-18 სექტემბრის პერიოდში ჩატარდა. საქართველოს მასშტაბით სულ 1500 18+ ასაკის რესპონდენტი, სტრატიფიცირებული შემთხვევით შერჩევით, პირისპირ ინტერვიუს გზით გამოიკითხა. ცდომილების ფარგლები +-2,5%-ია.