ყველაზე ცნობილი ქართული ლიტერატურული პრემია საბას ჟიურიმ წლევანდელი დაჯილდოების ფინალისტები გამოავლინა.

დაჯილდოება მეთვრამეტედ იმართება და ქართული ლიტერატურის ქომაგებს უკვე შეუძლიათ ნახონ, თუ ვინ იბრძოლებს წელს გამარჯვებისთვის:

წლის საუკეთესო რომანი:

  • ბესო სოლომანაშვილი, ამბავი ძველი დახვრეტილებისა და ახალი დასახვრეტებისა (სულაკაურის გამომცემლობა)
  • ანა კორძაია-სამადაშვილი, ზინკა ადამიანი (სულაკაურის გამომცემლობა)
  • ლაშა ბუღაძე, აუდიტორია (სულაკაურის გამომცემლობა)
  • აკა მორჩილაძე, ფარშავანგი (სულაკაურის გამომცემლობა)
  • ალეკო შუღლაძე, ქრონიკული დაღლილობის სურნელი (პალიტრა L)

წლის საუკეთესო პროზაული კრებული:

  • მამუკა დოლიძე, გასეირნება დროთა სივრცეში (ინტელექტი)
  • ვახტანგ კომახიძე, გაქცევის ტყვეობა (საარი)
  • ლექსო პაიკიძე, გიდი (ბენდესი)
  • ეკა ქევანიშვილი, არაფერი დედაჩემის შესახებ (წიგნები ბათუმში)

წლის საუკეთესო პოეტური კრებული:

  • კატო ჯავახიშვილი, დედაჩემმა მითხრა, რომ (ინტელექტი)
  • შოთა იათაშვილი, XXI საუკუნის დასაწყისის პოეტი (ინტელექტი)
  • ბესიკ ხარანაული, დიდი სმა (ინტელექტი)
  • ტარიელ ჭანტურია, სიყვარულის შავი ყუთი 3 (კალმოსანი)
  • ნატო ინგოროყვა, სადგურებს შორის (ინტელექტი)

წლის საუკეთესო ესეისტიკა და დოკუმენტური პროზა:

  • შორენა ლებანიძე, თუ საჭიროა გათქმევინებთ (არტანუჯი)
  • ნათია ფანჯიკიძე, შიშო, გამოდი გარეთ (არტანუჯი)
  • გიორგი მაისურაძე, სხვა ენა (ინდიგო)
  • გურამ წიბახაშვილი, ზამთარი გადატანილია (ინდიგო)
  • გელა ჩარკვიანი, ნაგერალა 80 (ინტელექტი)
  • თემურ ტონია, ვინილომაგია-ვინილომანია (პალიტრა L)
  • კახა თოლორდავა, გაუზავებლად (სულაკაურის გამომცემლობა)
  • სალომე აფხაზიშვილი, სოციალური სიცილი (სულაკაურის გამომცემლობა)

წლის საუკეთესო ლიტერატურული დებიუტი:

  • მაია ცირამუა, მშვიდობით, ძია გერშვინ! (წიგნები ბათუმში)
  • ელისო ფანცხავა, პოლ ოსტერის 4 3 2 1 (წიგნები ბათუმში)
  • მართა ურუშაძე, მეხამრიდი (ინტელექტი)
  • ნინი ელიაშვილი, წერტილის შემდეგ (ინტელექტი)
  • მაკა ცხვედიანი, გასტონის კრეპერია (ინტელექტი)
  • არჩილ ფირიაშვილი, ფეხბურთის მოთამაშე (პალიტრა L)

წლის საუკეთესო ლიტერატურული კრიტიკა:

  • გურამ ლებანიძე, რილკეს ელეგიები (კავკასიური სახლი)
  • რამაზ ჭილაია, პოეტიკური ჩანაწერები (პალიტრა L)
  • ზაზა აბზიანიძე, ქართულ ოლიმპზე და მის ირგვლივ (ინტელექტი)

წლის საუკეთესო პიესა:

  • დავით ფირცხალავა, დიდი შესვენება, თემურ ჩხეიძის სახელოსნო (სამეფო უბნის თეატრი)
  • ალექს ჩიღვინაძე, მარინა რევია, თემურ ჩხეიძის სახელოსნო (სამეფო უბნის თეატრი)
  • მაკა კუკულავა, მეორე ნახევარი, თემურ ჩხეიძის სახელოსნო (სამეფო უბნის თეატრი)

უკვე ცნობილ შვიდი ნომინაციის ფინალისტებთან ერთად ცოტა უფრო მოგვიანებით, ოქტომბერში "უცხოური ნაწარმოების საუკეთესო ქართული თარგმანის" კატეგორიის ნომინანტებიც დასახელდებიან, "ლიტერატურის განვითარებაში შეტანილი განსაკუთრებული წვლილისთვის" გამარჯვებული კი, ტრადიციულად, უშუალოდ დაჯილდოების ცერემონიაზე გახდება ცნობილი.

ლიტერატურული კონკურსი საბა თიბისიმ და პოეტმა რატი ამაღლობელმა 2002 წელს დააფუძნეს და ამ დროის განმავლობაში პრემია უკვე მრავალ ავტორს გადაეცა: საბას ისტორიაში სულ 4000-ზე მეტი წიგნი განიხილეს, 162 პრემია გაიცა და 128 ავტორი დაჯილდოვდა (მათგან 17 ავტორს პრემია მინიმუმ 2-ჯერ და მეტჯერ გადაეცა).