ქართული ოცნების საარჩევნო შტაბის ხელმძღვანელი, ირაკლი კობახიძე პარტიის საარჩევნო სიის ოცეულზე კრიტიკას პასუხობს. კობახიძის თქმით, "ამას ამბობენ "ახალი სახეები, ნათელაშვილი და ბოკერია".

"პარტიები, რომლებიც ვერანაირად ვერ ახერხებენ განახლებას, ვერავითარი სიახლე ვერ შემოუტანა ვერც ერთმა პოლიტიკურმა პარტიამ საკუთარ გუნდში და თქვენ ნახეთ დღეს, რომ თვისებრივად არის განახლებული ჩვენი საპარალამენტო გუნდი და ეს არის, რა თქმა უნდა, ჩვენი საპარლამენტო წარმატების ერთ-ერთი გარანტი", — თქვა კობახიძემ სიის წარდგენის შემდეგ.

მან ასევე აღნიშნა, რომ ოპოზიციას პარტიული სიები ჯერ არ წარუდგენია, თუმცა მაჟორიტარობის კანდიდატებში არიან სახეები, "რომლებიც ქართულ საზოგადოებას მობეზრდა უკვე დიდი ხანია".