ქართული ოცნების აღმასრულებელი მდივნის, ირაკლი კობახიძის განცხადებით, მათი საარჩევნო სიის პირველი ოცეული მომდევნო 10 დღის განმავლობაში გასაჯაროვდება. სრული სიის პრეზენტაცია კი მისი თქმით, ამ თვის ბოლოს ექნებათ.

"რაც შეეხება ვინ რომელ ადგილს დაიკავებს, ეს არის პოლიტსაბჭოზე დამოკიდებული. პოლიტსაბჭოს ხელმძღვანელობს, ბატონი ბიძინა ივანიშვილი. მისი ხელმძღვანელობით შევიკრიბებით და მივიღებთ გადაწყვეტილება თითოეულ ადგილთან დაკავშირებით", — აცხადებს კომახიძე.

მისივე თქმით, ბიძინა ივანიშვილზეა დამოკიდებული იქნება თუ არა იგი წარმოდგენილი მათ საარჩევნო სიაში.

საპარლამენტო არჩევნები 31 ოქტომბერს არის ჩანიშნული. დღეიდან, პირველი სექტემბრიდან კი წინასაარჩევნო კამპანია ოფიციალურად დაიწყო.