საქართველოს ფეხბურთის ფედერაციის ცნობით, საქართველოს U-16 საფეხბურთო ნაკრები უკრაინაში მიმდინარე, ვიქტორ ბანიკოვის მემორიალური ტურნირის ფინალში გავიდა.

ნაკრების მწვრთნელი გურამ ასპინძელაშვილია.

ჩვენმა ნაკრებმა მოლდოვის გუნდი 4-0 დაამარცხა. ამასობაში ჯგუფის მეორე შეხვედრაში მათი მთავარი კონკურენტი, ჩეხეთი, ლიტვის U-16 ნაკრებთან დამარცხდა და შესაბამისად, მომდევნო ეტაპზე ქართველი ფეხბურთელები გავიდნენ.

ფინალურ შეხვედრაში მათ წინააღმდეგ ისრაელის ნაკრები ითამაშებს.