დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ამ ეტაპზე საქართველოში კორონავირუსზე მკურნალობს 194 პაციენტი, რომელთაგანაც რვა ადამიანის მდგომარეობა კრიტიკულია, ხოლო 14-ის მძიმე.

"დადასტურებულების და გამოჯანმრთელებულების შეჯერებით, დღევანდელი მონაცემებით, კოვიდ ცენტრებში მკურნალობს 194 პაციენტი. მათგან 8 არის კრიტიკული და ეს პაციენტები მკურნალობენ შესაბამისი ცენტრის რეანიმაციულ განყოფილებაში; 14 არის მძიმე მიმდინარეობით, ისინიც შესაბამის განყოფილებებში მკურნალობენ კოვიდ ცენტრებში. პაციენტების უმეტესობა, დაახლოებით 80% გახლავთ საშუალო სიმძიმის და მსუბუქი სიმძიმის პაციენტები შედარებით მცირე რაოდენობით არიან", — აცხადებს ეზუგბაია.

საქართველოში ამ დროისთვის კორონავირუსის დადასტურებულ შემთხვევათა რაოდენობა 1 264-მდე გაიზარდა, მათ შორის, გამოჯანმრთელებულია 1054 ადამიანი, გარდაცვლილი — 17. კარანტინის რეჟიმში 6 930 პირი რჩება, სტაციონარში მეთვალყურეობის ქვეშ კი 263 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: