მიხეილ სააკაშვილმა ტვ პირველის ეთერში მომავალ არჩევნებზე ისაუბრა და აღნიშნა, რომ მისი ფიგურა, როგორც ივანიშვილს სურდა, არ გაქრება ევროპის რადარებიდან. რაც შეეხება საქართველოს, როგორც ქვეყანას, ამის დიდი საფრთხე აქვს და თანამდებობების გაყოფის ნაცვლად, სჯობს, ქვეყნის გადასარჩენად მობილიზდეს ყველა.

"მე შეიძლება ვიყო პრემიერობის კანდიდატი ევროპის ყველაზე დიდ ქვეყანაში. შეგიძლიათ, გაეცნოთ უკრაინის პრესას და დარწმუნდებით ამაში. მე ვარ ძაან მნიშვნელოვანი ფუნქციის მატარებელი უკრაინაში. ამიტომ ლაპარაკი იმაზე, რომ მე ვიღაცას შევტენო ჩემი თავი კანდიდატურად, არის სასაცილო და დამაბნეველი. ამაზე კი არ უნდა ვილაპარაკოთ, უნდა ვილაპარაკოთ იმაზე, რომ საქართველო, როგორც ქვეყანა, გაქრება. სააკაშვილის გაუჩინარება უნდოდა ივანიშვილს მსოფლიო რადარებიდან. მე ძალიან ნათლად ვარ მსოფლიოს ყველა რადარზე და საქართველო აღარ არის მსოფლიო რადარზე. განსხვავებით პროვინციელი პოლიტიკანისგან, ჩემი ქვეყანა უფრო მაღლა დგას, ვიდრე ჩემი მოკრძალებული პიროვნება.

ახლა გვჭირდება მობილიზება, ძალიან სწრაფი მოქმედება. ამ არჩევნებზე ივანიშვილი უნდა დავასრულოთ. წერტილი უნდა დავუსვათ ამ უბედურებას და დავიწყოთ საქართველოს აღმშენებლობა. ეს გაშვებული დრო სწრაფად ავუნაზღაუროთ ჩვენს ქვეყანას. მეცინება, როცა ხალხი ლაპარაკობს თანამდებობებზე. რა თანამდებობებს იყოფთ, ხალხო, საქართველო აღარ გექნებათ", — მიხეილ სააკაშვილი