ინფექციური საავადმყოფოს სამედიცინო დირექტორის, მარინა ეზუგბაიას თქმით, კორონავირუსისგან გამოჯანმრთელებულთა რიცხვი კიდევ 2-ით გაიზარდა. მისი განცხადებით, ორივე პაციენტი კლინიკას დღეს, 27 ივნისს დატოვებს.

"ორი პაციენტი გაეწერა, მაგრამ ეს არ არის ჯერ ასახული, რადგან დღეს დილას მოხდება ამ პაციენტების გაწერა და ამ ეტაპზე დაგვრჩება 23 დადასტურებული პაციენტი", — თქვა მარიან ეზუგბაიამ.

ექიმის განცხადებით, მათ კლინიკაში დღეს მხოლოდ 1 ახალი პაციენტი შევიდა, რომელიც სატვირთო მანქანის მძღოლია.

Stopcov.ge-ს მონაცემების მიხედვით, ჯამში, ამ დროისთვის ქვეყანაში COVID-19-ის 921 შემთხვევაა გამოვლენილი, მათ შორის 781 გამოჯანმრთელდა, ხოლო 14 გარდაიცვალა. კარანტინის რეჟიმში 2 687 პირი რჩება, სტაციონარში მეთვალყურეობის ქვეშ — 207.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: