პარლამენტში ქართული ოცნების დეპუტატი, ირაკლი კობახიძე აცხადებს, რომ 2020 წლის საპარლამენტო არჩევნებში მაჟორიტარობის კანდიდატი არ იქნება. ამის შესახებ მან რუსთავი 2-ის ეთერში ისაუბრა.

"მე მაჟორიტარი ვერ ვიქნები, რადგან არსებითად ვიქნები ჩართული შტაბის მართვაში, აქედან გამომდინარე ჩემი მაჟორიტარობა გამორიცხულია", — აღნიშნა კობახიძემ.

მისივე თქმით, ივლისის დასაწყისში ქართული ოცნება მაჟორიტარობის კანდიდატებს წარადგენს. როგორც კობახიძე აღნიშნავს, გუნდში ახალი სახეებიც იქნებიან.