მარინა ეზუგბაიას განცხადებით, თბილისის ინფექციური საავადმყოფოში 34 კოვიდდადასტურებული პაციენტი აგრძელებს მკურნალობას. დღეს, 23 მაისს ჟურნალისტებთან საუბრისას მანვე აღნიშნა, რომ ამ ეტაპზე ჟანგბადდამოკიდებული, ხელოვნურ სუნთქვაზე მყოფი პაციენტი თბილისის ინფექციურში არ ჰყავთ.

"გუშინდელი ოთხი შესაძლო შემთხვევიდან არცერთი არ დადასტურდა. ამ ეტაპზე ერთი შესაძლო შემთხვევვის კვლევა მიმდინარეობს. პაციენტების მდგომარეობა უცვლელია, გვყავს კვლავ სამი მძიმე ავადმყოფი, კრიტიკული არცერთი აღარ არის. ჯერჯერობით კვლავ მძიმედ რჩებიან არსებული მძიმე პნევმონიისა და გარკვეული სინდრომული მდგომარეობის გათვალისწინებით", — ამბობს მარინა ეზუგბაია.