დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს კლინიკური დირექტორის, მარინა ეზუგბაიას თქმით, ბოლო 24 საათში საქართველოში კორონავირუსით ინფიცირებული 1 პაციენტის წყარო უცნობია. ეზუგბაიას თქმით, პაციენტის კონტაქტების ხელახალი კვლევა მიმდინარეობს.

"კლასტერი არ არის ცნობილი, წყარო უცნობია, საკარანტინო სივრციდანაა თუ არ ვცდები, მაგრამ წყაროს ვერ დავადასტურებ, არ ვიცი. [...] ერთი პაციენტია რომლის კონტაქტები მოძიებულია, 4 კონტაქტია რომელთა PCR დიაგნოსტიკა განმეორებით კვლევას საჭიროებს, დღეს განმეორდება და დადასტურდება, რამდენად ეს პირებიც იქნებიან ინფიცირებულები", — თქვა მარინა ეზუგბაიამ.

ექიმმა აღნიშნა, რომ უმეტეს შემთხვევაში, როდესაც პაციენტს განმეორებითი ტესტი სჭირდება, პასუხი უარყოფითია. ეზუგბაია იმედოვნებს, რომ ამ 4 კონტაქტის შემთხვევაშიც ასე იქნება.

ბოლო მონაცემებით, საქართველოში ინფიცირებულთა რაოდენობა მხოლოდ 1-ით გაიზარდა, გამოჯანმრთელებულთა რიცვხი კი 32-ით. ქვეყანაში კორონავირუსით ინფიცირების 639 შეთმხვევაა დაფიქსირებული, მათგან გამოჯანმრთელებულია 349 ხოლო გარდაცვლილია 11. კარანტინის რეჟიმშია 4 769 პირია, სტაციონარში მეთვალყურეობის ქვეშ კი 414 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: