პირველ საუნივერსიტეტო კლინიკაში ტესტირების ახალ მეთოდს გამოიყენებენ. ამის შესახებ კლინიკის დირექტორმა ლევან რატიანმა ჟურნალისტებს განუცხადა.

მისივე თქმით, კლინიკაში დაიტესტა ჯინ ექსპერტ მეთოდი, რომელსაც კორონავირუსით ინფიცირების საეჭვო შემთხვევების გამოსავლენად იმ პაციენტებთან გამოიყენებენ, რომლებიც ჰოსპიტალიზაციას საჭიროებენ.

მისივე განმარტებით, ეს მეთოდი მასობრივი არ იქნება და მხოლოდ კლინიკაში მყოფი პაციენტების დიაგნოსტირებისთვის გამოიყენებენ.

"ესაა უნიკალური მეთოდი, ალბათობა იმისა, რომ შეცდომა იყოს დაშვებული, მინიმალურია, რადგან მასში ადამიანის მონაწილეობის ფაქტორი არ არის", — განაცხადა ლევან რატიანმა.