დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოში კორონავირუსის კიდევ 2 შემთხვევა დადასტურდა და ინფიცირებულების რაოდენობა 12-მდე გაიზარდა. ამის შესახებ ინფორმაცია ამის შესახებ ინფორმაცია საქართველოს მთავრობის მიერ შექმნილ სპეციალურ ვებგვერდზე stopcov.ge-ზეა მოცემული.

დღეს, 7 მარტს ცნობილი გახდა, რომ კორონავირუსი დაუდასტურდა ამირან გამყრელიძის შვილს, რომელმაც პოსტი ფეისბუქგვერდზე გამოაქვეყნა და ინფექციურ საავადმყოფოს ვინაობის გასაჯაროების უფლება მისცა.

"მიმაჩნია რომ ავადმყოფობა სირცხვილი არ არის. არ მინდა ეს საკითხი გახდეს სხვადასხვა ინტერპრეტაციის საგანი და, რაც მთავარია, არ გახდეს ეს დამატებითი პანიკის წყარო. დარწმუნებული ვარ, რომ თუ ვიქნებით მეტად სოლიდარულები და ყველა გავითავისებთ მეტად ჩვენს სამოქალაქო პასუხისმგებლობას, ძალიან მალე დავძლევთ ჩვენს ქვეყანაში ამ გამოწვევას", — წერს ნიკა გამყრელიძე.

ამ ეტაპზე საქართველოში კორონავირუსით ინფიცირების 12 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს. დღეს, 7 მარტს კორონავირუსის კიდევ 3 შემთხვევა დადასტურდა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: