დაავადებათა კონტროლის ცენტრის ცხელი ხაზი 116 001

ინფექციონისტი მაია ბუწაშვილი საზოგადოებას მოუწოდებს, რომ კორონავირუსის გამო ექსტრემალურ გადაწყვეტილებებს ნუ მიიღებენ. ექიმის რჩევით, საზოგადოება ისე არ უნდა მოიქცეს, რომ თავი სტრესში ჩაიგდნოს. კორონავირუსთან დაკავშირებულ რეკომენდაციებზე ექიმმა TV პირველის ეთერში ისაუბრა.

"ძალიან თეორიული შანსია, რომ ტანსაცმელზე შემორჩენილი იყოს რაღაც წვეთები ინფიცირებული ადამიანის და მერე ამ წვეთს ჩვენ შევეხოთ და შემდეგ ეს მოხვდეს ჩვენს ორგანიზმში. ისევდაისევ, შემოსვლისას ხელის დაბანა და გარეთ ნამყოფი ტანსაცმლის გამოცვლა, მაგრამ ის ექსტრემალური გადაწყვეტილებები, რასაც ზოგიერთი ჩვენი თანამოქალაქე აკეთებს ტანსაცმლის სპირტით გაწმენდა, ცხელი უთოს დადება, ათასი უცნაური ამბები მესმის, ასეთ უცნაურ პარადოქსებში ნუ გადავიჭრებით", — თქვა მაია ბუწაშვილმა.

ექიმის განმარტებით, გაუმართლებელია ვირუსის გამო "ბავშვების ჩაკეტვა" და არ გაშვება სასწავლო დაწესებულებებში, რაც მათ ფსიქიკაზე უარყოფითად მოქმედებს.

26 თებერვალს საქართველოში ახალი კორონავირუსით ინფიცირების პირველი შემთხვევა დაფიქსირდა. ვირუსი დაუდგინდა საქართველოს მოქალაქეს, რომელიც აზერბაიჯანის გავლით ირანიდან საქართველოში შემოვიდა. მინისტრის თქმით, ის საბაჟოდან პირდაპირ ინფექციურ საავადმყოფოში გადაიყვანეს და სხვა ადამიანებთან შეხება არ ჰქონია. მისივე თქმით, მებაჟეები, რომლებმაც ის შეამოწმეს, პრევენციისთვის, კარანტინში მოთავსდებიან.

გაიგეთ მეტი კორონავირუსის პრევენციის შესახებ: