ფულადი გზავნილების მიღება პირაპირ ბარათზე გახდა შესაძლებელი. სერვისი KoronaPay, ეს არის ახალი მომსახურება, რომელიც გზვანილების სისტემამ "ზოლოტაია კორონა", ვითით ბანკთან თანამშრომლობით დანერგა. აღნიშნული მომსახურება უზრუნველყოფს, ფულადი გზავნილის ჩარიცხვას ნებისმიერი ქართული ბანკის Visa-ს და Mastercard-ის
ბარათზე.

“KoronaPay“ უფასოდ არის ხელმისაწვდომი App Store-ში და Google Play-ში და ასევე საიტზე koronapay.com, მობილურ აპლიკაციაში აისახება ყველა გზავნილი და შესაძლებელია სასურველი გზავნილის მარტივად ბარათზე ჩარიცხვა. ბარათზე, აღნიშნული გზავნილი ლარში დაკონვერტირებული აისახება.

"ფულადი გზავნილების სისტემა "ზოლოტაია კორონა" დღეს საქართველოს 81 დასახლებული პუნქტის 1 100 წერტილშია წარმოდგენილი. წამყვან ქართულ საფინანსო ინსტიტუტებთან ერთად, ჩვენი გზავნილები მართლაც, რომ ყველასთვის არის ხელმისაწვდომი. თუმცა ჩვენ ამაზე არ ვჩერდებით, და დღეს ვითიბი ბანკთან ერთად ჩვენს კლიენტებს ვთავაზობთ ახალ შესაძლებლობას — კომპიუტერის ან სმარტფონის გამოყენებით მარტივად ჩარიცხონ თანხა საკუთრ ბარათზე" — თქვა ზოლოტაია კორონას დირექტორის მოადგილემ, ოლესია ფიოდოროვამ.

"ვითიბი ბანკი ცდილობს დანერგოს ყველაზე აქტუალური სერვისები და ხელმისაწვდომი გახადს წამყვანი ტექნოლოგიები. დღეს საფინანსო სფეროს მთავარ ტრენდს, სწორედ დიჯიტალიზცია და სერვისების სმარტფონში გადატანა წარმოადგენს. მომხმარებლებს, მომსახურების მიღება სწრაფად და კომფორტულად სურთ. დარწმუნებულები ვართ, რომ ჩვენი კლიენტები დადებითად შეაფასებენ ახალ მომსახურებას, რომელიც ნებისმიერი ბანკის ბარათით არის ხელმისწავდომი", — განაცხადა ვითიბი ბანკის საცალო ბიზნესის დირექტორმა ვალერიან გაბუნიამ.