"23 ნოემბერი მოდის და ქართველი ხალხი უნდა დაირაზმოს", — ასე გამოეხმაურა საქართველოს მესამე პრეზიდენტი, მიხეილ სააკაშვილი ქართული ოცნების მიერ პროპორციული საარჩევნო სისტემის კანონპროექტის ჩაგდებას. სწორედ 2003 წლის 23 ნოემბერს მოხდა ვარდების რევოლუცია.

სააკაშვილი ვიდეომიმართვაში ამბობს, რომ როგორც მოსალოდნელი იყო, ივანიშვილმა ყველა გადააგდო.

"ერთი რამ ვიცი, მოდის მალე გიორგობის დღესასწაული, 23 ნოემბერი და ქართველი ხალხი უნდა დაირაზმოს, გააკეთოს მშვიდობიანი მობილიზაცია. ამ რეჟიმს არანაირი ლეგიტიმურობა აღარ აქვს, ასე რომ ყველაფერი ახლა ჩვენზეა დამოკიდებული, ძალა ერთობაშია, ყველაფერი გამოგვივა", — ამბობს სააკაშვილი.

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო.