უიმბლდონის ტურნირის დაწყებამდე 15 წლის კორი "კოკო" გაუფი ვენუს უილიამსთან თამაშის შესაძლებლობას, როგორ ოცნებას, ისე აღწერდა.

პირველი ივლისი ამ ამერიკელი თინეიჯერისთვის ზღაპრულად ტრიუმფალური გამოდგა — მან შეძლო 6-4, 6-4 დაემარცხებინა გრან სლემის შვიდგზის ჩემპიონი და ტურნირის ისტორიაში ერთ-ერთ ყველაზე დასამახსოვრებელი მატჩი გვაჩვენა.

39 წლის უილიამსს გრანდ სლემის 4 ტიტული მარტოს აქვს მოგებული, 2 უიმბლდონზე და ეს მაშინ, როცა გაუფი დაბადებულიც კი არ იყო.

BBC-სთან საუბრისას გაუფი აღნიშნავს:

"სიმართლე გითხრათ, არ ვიცი თავს როგორ უნდა ვგრძნობდე. ეს ნამდვილად პირველი შემთხვევაა, როცა მატჩის ან გამარჯვების შემდეგ ვიტირე. რა თქმა უნდა, დამარცხების გამო მიტირია. უბრალოდ არ შემიძლია ავხსნა ჩემი გრძნობები".

გაუფს, მეტსახელად "კოკო", დიდი მიზანი ჰქონდა დასახული:

"ადრე ვთქვი: მინდა საუკეთესო ვიყო… მატჩი იმ განწყობით რომ დამეწყო, "მოდი ვნახოთ რამდენ თამაშს მოვუგებ", ნამდვილად ვერ გავიმარჯვებდი. ჩემი მიზანი იყო, რომ ბოლომდე მეთამაშა. ჩემი ოცნება იყო, რომ მომეგო. აი ეს მოხდა", — ამბობს თინეიჯერი. ის ერთ გამარჯვებაზე გაჩერებას არ აპირებს და მიზნად ტურნირის მოგებას ისახავს მიზნად.

კოკომ ისტორიული მაგალითი გრანდ სლემის სადებიუტო მატჩამდეც შექმნა — ის ყველაზე ახალგაზრდა მონაწილეა, ვინც ტურნირისთვის ყოფილა კვალიფიციური. მან საბოლოო შერჩევამდე ზედიზედ სამი მატჩი მოიგო, რომელთაგანაც ერთ-ერთის წინა დღეს მეცნიერების გამოცდაც წერა.

მატჩის დასრულების შემდეგ უილიამსმა გაუფს ხელი ჩამოართვა და გაუღიმა.

"მან მომილოცა და წარმატებები მისურვა. მატჩის შემდეგ მადლობა გადავუხადე და ვუთხარი, რომ მის გარეშე აქ არ ვიქნებოდი. მხოლოდ იმას ვეუბნებოდი, რომ საოცარი ადამიანია. ყოველთვის მინდოდა მისთვის ეს მეთქვა".

გაუფს ადრეც უთქვამს, რომ დები უილიამსების დიდი ფანია, განსაკუთრებით კი 32 გზის ჩემპიონის, სერენა უილიამსის.

არც ვენუს უილიამსს დაუკლია თავისი მოწინააღმდეგისთვის ქება. გაუფის მომავალზე როცა კითხეს, მან უპასუხა, რომ მის შესაძლებლობებს საზღვარი არ აქვს. როცა კითხეს, თუ რა რჩევას მისცემდა ჩოგბურთის მომავალ ვარსკვლავს, უილიამსმა უპასუხა:

"გაერთე, დატკბი ცხოვრებით, ეს ყველაფერია, რისი გაკეთებაც შეგიძლია".

კოკოს სახით თუ ვიმსჯელებთ მატჩის დასასრულს, ის ნამდვილად აპირებს ამ რჩევის გათვალისწინებას.