როგორც იცით, დისნეი თავისი სიამაყის - მეფე ლომის ეკრანებზე დაბრუნებას აპირებს. ანიმაციის ციფრულად გაცოცხლებული ვერსის პრემიერა 19 ივლისს უნდა შედგეს და წინასწარი გათვლებით, საპრემიერო კვირაში შემოსავალმა $150 მილიონს უნდა მიაღწიოს.

მომავალ კვირებში ეს რიცხვი შეიძლება შეიცვალოს, როდესაც დისნეი საქმეში მარკეტინგს ჩართავს. საშემოსავლო გამოთვლები არაზუსტი მეცნიერებაა და ხშირად ცდება, თუმცა ამ ზაფხულს დისნეის ფილმებმა მოსალოდნელზე მეტი შედეგი აჩვენეს.

დისნეის ოპტიმიზმისთვის მიზეზები ნამდვილად აქვს. პირველ რიგში მეფე ლომის ბილეთების წინასწარი გაყიდვები საკმაოდ მაღალ მაჩვენებელზეა და უსწრებს დისნეის სხვა ფილმებს, მაგალითად ისეთებს, როგორიცაა: ურჩხული და მზეთუნახავი, ალადინი და ჯუნგლების წიგნი.

2019 წლის ფილმებს შორის წინასწარი გაყიდვებით მეფე ლომი მხოლოდ შურისმაძიებლები: თამაშის დასასრულს ჩამოუვარდება.

ფილმის რეჟისორი ჯონ ფავროუა. მან მეფე ლომისთვის მსახიობების ა კატეგორიის სია შეადგინა: სიმბა - დონალდ გლოვერი, ნალა - ბიონსე, სკარი - ჩივეთელ იჯიოფორი. ბილი იჩნერი და სეტ როგენი კი ტიმონისა და პუმბას როლს შეასრულებენ. მუფასას როლში კი კვლავ ირლ ჯონსი წარსდგება, ხმა, რომელიც 25 წლის ახმოვანებდა ყველასთვის საყვარელ გმირს, როდესაც ანიმაციის დებიუტი შედგა.

ამავე თემაზე: