რაიან მერფი ნეტფლიქსისთვის ახალ ფილმს The Prom-ს გადაიღებს, რომელშიც მერილ სტრიპი, ნიკოლ კიდმანი, ჯეიმს ქორდენი, არიანა გრანდე, კეგან მაიკლს კეი და ენდრიუ რეინელსი ითამაშებენ. ფილმი ბროდვეის მიუზიკლის ადაპტაცია იქნება.

The Prom - ლესბოსელი სტუდენტის ამბავზეა, რომელიც ინდიანას შტატის ერთ-ერთ კონსერვატიულ ქალაქში ცხოვრობს. მას სკოლის გამოსაშვებ საღამოზე თავის შეყვარებულთან ერთად მისვლა და ცეკვა უნდა, თუმცა მათ წვეულებაზე არ შეუშვებენ. ამ უსამართლობის წინააღმდეგ კი ბროდვეის ვარსკვლავები ერთიანდებიან. ეს პროექტი მერფის და ნეტფლიქსის შეთანხმების პირველი ნამუშევარი იქნება.

The Prom-ის ორიგინალი იდეა ჯეკ ვიერტელს ეკუთვნის და ბროდვეიზე მაყურებლის ფავორიტიც იყო, Tony Award-ზე კი ექვს ნომინაციაზე იყო წარდგენილი.