ნუ მაბრმავებ! — სოლიდარობის აქცია ჰამბურგში

დღეს, 22 ივნისს გერმანიის ქალაქ ჰამბურგში სოლიდარობის აქცია გაიმართა. ქალაქის ცენტრში, იუნგფერნშტიგის ქუჩაზე ქართველმა ემიგრანტებმა, რუსმა და გერმანელმა მოქალაქეებმა თბილისში მიმდინარე მოვლენები გააპროტესტეს. სოლიდარობის აქციაზე შეკრებილმა 100-მდე ადამიანმა ანტიოსაოკუპაციო ბანერები მიიტანა.

აქციის მონაწილე, ილიაუნის პროფესორი, ვასილ გაბუნია ამბობს, რომ ის, რაც რამდენიმე დღის წინ მოხდა, ქართველი ხალხის ღირსების შელახვაა:

"ქართველი ხალხი იტანს ყველაფერს, უსაჭმელობას, უწყლობას, უშუქობას, არ გამოდის ხოლმე სოციალურ პრობლემებზე, მაგრამ ყოველთვის გამოდის, როდესაც ღირსებას ულახავენ. ის რაც მოხდა რამდენიმე დღის ის, ფაქტობრივად, იყო ყველაზე დიდი შეურაცხყოფა. მოთხოვნებს, რომ გახარია გადადგეს ვეთანხმები, მაგრამ ეს არაფერს ნიშნავს. გადმოგვიგდეს რამდენიმე ბარტყი, მაგრამ არაფერს ნიშნავს. მთლიანად უნდა შეიცვალოს ხელისუფლება და უნდა დაინიშნოს პროპორციული სისტემა".

აქციის კიდევ ერთი მონაწილეს, ჟურნალის მარიკა ლაფაურსაც მიაჩნია, რომ შს მინისტრი, გიორგი გახარია უნდა გადადგეს.

"ეს ყველაფერი არის იმ ჰიბრიდული ოკუპაციის წინააღმდეგ, რომელიც მოდის რუსეთიდან, იმის წინააღმდეგ, რაც საათობრივად მიმდინარეობს სხვადასხვა მეთოდით, რაზეც ჩვენი ხელისუფლება ვერ პასუხობს. ამის დასტური იყო ძალის გადამეტებაც, რომელიც გამოიყენეს, ამდენი ხალხის დასახიჩრება და სრულიად უმიზეზო დაპატიმრება".

ბოლო ამბები:

გირჩევთ

ნუ მაბრმავებ! — სოლიდარობის აქცია ჰამბურგში

კომენტარები

კვირის ტოპ-5

გირჩევთ

ახლა კითხულობენ

ამერიკელმა კლდეზე მცოცავმა თოკების გარეშე დაიპყრო ცათამბჯენი Taipei 101