საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, მეწყერის გამო ნოქალაქევი-ლეძაძამე-დიდი ჭყონის საავტომობილო გზაზის მე-11 კილომეტრზე გზის სავალი ნაწილი ჩაიწია, რის გამოც ავტოტრანსპორტის მოძრაობა აკრძალულია.

საავტომობილო გზების დეპარტამენტის ინფრომაციით, ავტოტრანსპორტის მოძრაობა სენაკი-ნოქალაქევი-ბანძა-ხონის, აბაშა-მარტვილის და მარტვილი-ტალერი ჩხოროწყუს საავტომობილო გზების გავლით განხორციელდება.

ადგილზე მობილიზებული არიან შესაბამისი სამსახურები, საავტომობილო გზების დეპარტამენტის ცნობით აღნიშნულ გზაზე საავტომობილო მოძრაობა მოკლე ხანში აღდგება.