დღეს 81 წლის ირლანდიელ ქალზე მოგიყვებით, რომელიც არასდროს ყოფილა ასეთი ბედნიერი, ვიდრე თავისი ცხოვრების ყველაზე მნიშვნელოვანი ადამიანი, დედა არ გაიცნო.

აილინ მაკენი ირლანდიის ერთ-ერთ ბავშვთა თავშესაფარში გაიზარდა და შესაბამისად, ბიოლოგიური დედა მას არასდროს უნახავს. თუმცა, ჯერ კიდევ მოზარდი იყო, როცა გადაწყვიტა, რომ დედა აუცილებლად უნდა მოეძებნა.

"მკაცრად გადავწყვიტე, რომ დედაჩემის მოძებნის პროცესში ვერაფერი შემაჩერებდა", — ამბობს აილინი.

მიუხედავად ქალის ასეთი მიზანდასახულობისა, ათობით წლები უშედეგო ძებნაში გავიდა. ცოტა ხნის წინ კი აილინი შოტლანდიაში ჩავიდა და დედა-შვილის ამაღელვებელი შეხვედრაც სწორედ იქ მოხდა — 80 წლის აილინმა პირველად ნახა თავისი 103 წლის დედა.

ფოტო: Daily Mail

"როდესაც დედაჩემი დავინახე, ვიფიქრე, რომ ის მსოფლიოში ყველაზე ლამაზი ქალია, რომელსაც უსაყვარლესი ოჯახი ჰყავს. მან მე არაჩვეულებრივად მიმასპინძლა. ახლა მე ისეთი ბედნიერი ვარ, როგორც არასდროს, რადგან, როგორც იქნა დედა ვიპოვე", — ასევე ამბობს ქალი.

აილინმა ისიც აღნიშნა, რომ როდესაც დედა დაინახა, ის გაზეთს კითხულობდა. როცა უთხრა, რომ ის მისი ქალიშვილი იყო, ქალი მდუმარედ აკვირდებოდა მის ხელებს. მას შემდეგ კი დედა-შვილმა ერთად სამი დაუვიწყარი დღე გაატარა.

ჩვენ კი ისღა დაგვრჩენია, რომ აილინსა და ელიზაბეტს დიდხანს და ბედნიერად ცხოვრება ვუსურვოთ.