ეს მზრუნველი კორგი პატრონს მშობიარობისას გვერდიდან არ მოსცილებია

ორი წლის წინ ტეხასელმა ქალმა, ბრუკ ელინგტონმა გადაწყვიტა, რომ სახლში ემშობიარა — მის ცხოვრებაში ეს ერთ-ერთი ყველაზე მნიშვნელოვანი მომენტი იყო და გარშემომყოფების თანადგომაც განსაკუთრებულად სჭირდებოდა.

ამ ამბავში ყველაზე საინტერესო კი ის არის, რომ ბრუკს სახლში უელს კორგი პემბროკის ჯიშის ძაღლი ჰყავს, რომელმაც ყველაფერი გააკეთა საიმისოდ, რათა პატრონისთვის ტკივილი ოდნავ მაინც შეემსუბუქებინა.

ეს გულისამაჩუყებელი ფოტოები კი ადგილობრივმა ფოტოგრაფმა, კრისტიენ ენმა გადაიღო.

ძაღლი, სახელად რეინჯერი უკვე ამ ოჯახის განუყოფელი ნაწილია

"ვერ წარმომიდგენია ცხოვრება იმ დიდი სიყვარულის გარეშე, რომელსაც რეინჯერისგან ვგრძნობთ. ის ამ ოჯახის ღირსეული წევრია", — ამბობს ბრუკი.

როდესაც მშობიარობის დრო მოახლოვდა, ძაღლი პატრონს გვერდიდან არ სცილდებოდა

"მშობიარობის მომენტში ის გულწრფელად ღელავდა თავის პატრონზე და უდიდეს სიყვარულსა და მზრუნველობას გამოხატავდა", — თქვა ფოტოგრაფმა.

ის სულ ეფერებოდა და თავისებურად კოცნიდა კიდეც ბრუკს

მშობიარობის შემდეგ, რეინჯერს ოჯახის ახალი წევრი ერთი ნახვით შეუყვარდა

ფოტოგრაფმა ისიც კი აღნიშნა, რომ ძაღლს სიგიჟემდე მოსწონდა პატარას ყურება და დაცვა.

ბრუკი კი იმედოვნებს, რომ საკუთარი გამოცდილების გაზიარებით სხვა ქალებსაც დაეხმარება მშობიარობის მომენტში სიყვარულისა და სითბოს მიღებაში, რომელიც შეიძლება შინაური ცხოველისგანაც მოდიოდეს.

ფიზიოლოგიურ მშობიარობაზე "სხვა შუადღის" წამყვანებმა მეან-გინეკოლოგ დავით დავარაშვილთან ერთად ისაუბრეს:

ბოლო ამბები:

გირჩევთ