ჩვენმა მკითხველმა უკვე იცის ავსტრალიელი უსახლკარო კაცისა და წლების წინ, ამ კაცისვე მოშინაურებული ვირთხის შესახებ, რომელიც ერთ დღესაც, უკვალოდ გაუჩინარდა.

ისიც გემახსოვრებათ, რომ დაკარგული ცხოველის ამბავი ერთმა კეთილმა გამვლელმა, ელისონმა გაახმაურა ფეისბუქზე, რომელიც უსახლკარო კაცს ყოველდღე ხედავდა სამსახურში წასვლამდე და ძებნის პროცესში პოლიციაც კი ჩართო.

ჩვენ დიდი იმედი გამოვთქვით, რომ ლუსი აუცილებლად დაუბრუნდებოდა მოსიყვარულე პატრონს და საბედნიეროდ, ასეც მოხდა.

დიახ, 59 წლის კრისს სიდნეის პოლიციამ გაწრთვნილი და დაკარგული ვირთხა უპოვა და დაუბრუნა — განუყრელი მეგობრების ემოციური შეხვედრა პოლიციის განყოფილებაში მოხდა.

"ლუსი არ მოუპარავთ, სინამდვილეში ის ქალმა იპოვა, რომელმაც ჩათვალა, რომ ცხოველი უპატრონო იყო და სახლში წაიყვანა", — განაცხადეს პოლიციელებმა.

ფოტო: NSW POLICE

კრისმა მაშინვე იცნო თავისი ვირთხა, და ვირთხამაც იცნო თავისი მოსიყვარულე პატრონი და აი, ასე ბედნიერად დასრულდა ეს სევდიანი ამბავი.