ბრედლი კუპერი, ლედი გაგა, ირინა შეიკი - დაგითვლიათ ეს სახელები ბოლო რამდენიმე თვის განმავლობაში რამდენჯერ გაიგეთ? ალბათ ძალიან ბევრჯერ. მთელი სამყარო ბოლო რამდენიმე თვე სწორედ ამ არარსებული სასიყვარულო სამკუთხედის შესახებ საუბრობდა.

ტაბლოიდები, ჭორებს ბრედლისა და გაგას ძალიან ახლო ურთიერთობით ხსნიდნენ. ამის ყველაზე დიდ დასტურად კი ოსკარზე შესრულებულ Shallow-ს იყენებდნენ. როგორც ჩანს, გაგა ამ მითქმა-მოთქმამ დაღალა და საბოლოოდ კომენტარიც კი გააკეთა დოლბის თეატრში შესრულებულ სიმღერაზე.

"ყველა გაგაცურეთ", - ამბობდა მსახიობი.

ვისთვის სასიხარულოდ, ვისთვის კი სამწუხაროდ, უნდა ვთქვათ, რომ ლედი გაგასა და ბრედლი კუპერს მხოლოდ მეგობრული ურთიერთობა აქვთ.

როგორც People წერს, ჩვენი დროის ერთ-ერთი ყველაზე დიდი ვარსკვლავი სულ სხვა ადამიანს ხვდება და ოთახში მყოფი ასი ადამიანიდან ის ერთადერთი ამჯერად სულაც არ არის კუპერი.

ოსკაროსან მუსიკოსს, გამოცემის წყაროს ინფორმაციით, ურთიერთობა მარველის სუპერგმირთან აქვს. ის არც მეტი, არც ნაკლები ჯერემი რანერია, ფანებისთვის კი უბრალოდ ქორისთვალა.

როგორც გამოცემის წყარო ამბობს, მსახიობი და მომღერალი ერთად დიდ დროს ატარებენ.

ამ ეტაპზე არც გაგას და არც ჯერემის თემაზე ოფიციალური კომენტარი არ გაუკეთებიათ.