დედამიწის ჩრდილოეთ მაგნიტური პოლუსი ბოლო ათწლეულების განმავლობაში ისე სწრაფად დაცურავს, რომ მეცნიერების თქმით, უკვე რთულია მისი ნავიგაციის ზუსტი განსაზღვრა. თუმცა, ბოლო განახლების მიხედვით, პოლუსმა განსაზღვრულზე ერთი წლით ადრე მიაღწია დანიშნულებას.

ჩრდილოეთის მაგნიტური პოლუსი წელიწადში 55 კილომეტრს გადის. ის კანადის არქტიკის ტერიტორიას ტოვებს და ციმბირისკენ მიემართება.

ამერიკის ოკეანისა და ატმოსფეროს ეროვნული ადმინისტრაცია (NOAA) და გაერთიანებული სამეფო მის ადგილმდებარეობას ყოველ ხუთ წელიწადში ერთხელ ასახელებს, მაგრამ მისი სწრაფი გადაადგილების გამო ბოლო განახლება ორგანიზაციამ დანიშნულზე ადრე გამოაქვეყნა.

"ის საკმაოდ სწრაფად მოძრაობს", - ამბობს კოლორადოს უნივერსიტეტის გეოფიზიკოსი არნოლდ ჩალი.

ჩრდილოეთის მაგნიტური პოლუსისის მოძრაობა პირველად 1831 წელს გაზომეს, როცა ის კანადის არქტიკული არქიპელაგს, ციმბირის მიმართულებით, 2 300 კილომეტრით დაშორდა. 2 000 წლის შემდეგ, მისი სისწრაფე წელიწადში 15 კილომეტრიდან 55 კილომეტრამდე გაიზარდა.

მერილენდის უნივერსიტეტის გეოფიზიკოსის, დანიელ ლათროპის თქმით, ამის მიზეზი ტურბულენტური დინებაა. დედამიწის ბირთვში მდებარე ცხელი რკინისა და ნიკელის ოკეანეები მოძრაობას ელექტრონულ ველად გარდაქმნიან.

"ჩვენ ამას შეიძლება უბრალოდ მაგნიტური ამინდი ვუწოდოთ", - დასძენს ლათროპი.

როგორც ცნობილია, სამხრეთის მაგნიტური პოლუსი ასე სწრაფად არ მოძრაობს.

დედამიწის მაგნიტური ველი სუსტდება და მოწინავე მეცნიერების თქმით, ის საბოლოოდ ამობრუნდება, რასაც დაახლოებით 1 000 წელი დასჭირდება. მსგავსი რამ დედამიწის ისტორიაში 780 ათასი წლის წინ დაფიქსირდა.