მას შემდეგ, რაც საშობაოდ კევინის ცნობილი სცენები გააცოცხლა, Google Assistant-ის რეკლამაში ჯერი მძარცველზე მიდგა, რომელიც, Home Alone-ის ბოლო ფილმში არც ისე კარგ მგომარეობაში დავტოვეთ.

ჯო პესკი, რომელსაც ცნობილი ოქროს კბილიც აღარ აქვს, ბევრად უფრო გაკეთილშობილებულია. ის მეგობრებთან ერთად უყურებს გაზრდილ კევინს და მის მოუხერხებელ ხტუნაობაზეც გულიანად ეცინება.

"ის სახლში მარტოა", - ამბობს ის ანთებული თვალებით.

მომენტში, როცა კევინის სახლის წინ "ცუდი ბიჭების" მანქანა ჩერდება, ჰარის როლის შემსრულებელი ყველას აჩერებს და აღტაცებული ელის თავის გამოჩენას.

"მაგრად გამოვედი", - იძახის ის.

გუგლ ასისტენტი ხელოვნური ინტელექტია, რომელიც ანდროიდის მობილურებში გვხვდება. მისი საშუალებით, ორმხრივი საუბრის წამოწყებაცაა შესაძლებელი. სხვა უამრავ ფუნქციასთან ერთად, გუგლ ასისტენტით დისტანციური შეკვეთების გაკეთებაც შეიძლება, რასაც ამერიკელი მომხმარებელი ყოველდღიურად იყენებს.