პრეზიდენტ სალომე ზურაბიშვილის თქმით, ევროკავშირის წევრობამდე და კანდიდატობამდე ორგანიზაციამ ყველა იმ ფორმატში უნდა შეიყვანოს საქართველო, სადაც მისი ადგილი არის. ამის შესახებ ზურაბიშვილმა პრესკონფერენციაზე განაცხადა, სადაც ბრიუსელში ვიზიტს აჯამებს.

როგორც პრეზიდენტი ამბობს, ევროკავშირის წევრი ქვეყნების მსგავსად საქართველო ერასმუსისა და ევროპოლის წევრია.

"ევროკავშირი უნდა იყოს უფრო ჩართული საქართველოში სხვადასხვა მხრივ და საქართველო ევროპაში უნდა იყოს უფრო მეტად გამოჩენილი. ჩვენ ვართ იმ სამ ქვეყანას შორის, რომელსაც აქვს ასოცირების ხელშეკრულება და სხვადასხვა გარემოებებიდან გამომდინარე ამ სამი ქვეყნიდან ჩვენ ვართ უფრო მეტად წინ მდგომი. ჩვენ ეს სტატუსი მაქსიმალურად უნდა გამოვიყენოთ და ევროკავშირმა უნდა შეგვიქმნას პირობები, რათა მაქსიმალურად გამოყენებული იყოს ეს სტატუსი", — აღნიშნა პრეზიდენტმა.