შესაძლოა, ლედი გაგას კონცერტს კულისებიდან ასი ადამიანი უყურებს, მაგრამ მხოლოდ ერთი ბედავს სცენაზე გასვლას და მასთან ერთად სიმღერის შესრულებას, ეს ერთი კი ბრედლი კუპერია.

დიახ, A Star Is Born-ის შეუდარებელმა წყვილმა აწ უკვე ოსკარის ნომინანტი სიმღერა Shallow ლას-ვეგასში შეკრებილი უამრავი ადამიანის თვალწინ ერთობლივად შეასრულა.

ვარსკვლავის დაბადება ბრედლი კუპერის პირველი რეჟისორული ნამუშევარია და წლის ერთ-ერთი ფავორიტი ფილმია. სურათს ოსკარის რვა ნომინაცია აქვს, მათ შორის საუკეთესო ფილმის და საუკეთესო მსახიობების ნომინაციაში.