სტივ კარელი ნეტფლიქსის ახალ კომედიურ სერიალში მთავარ როლს შეასრულებს. სერიალზე The Office-ის ამერიკული ვერსიის ერთ-ერთი შემქმნელი გრეგ დენიელსი იმუშავებს.

სტრიმინგ სერვისმა სერიალის დაანონსებასთან ერთად პირველი ტიზერიც გაავრცელა:

სერიალის სიუჟეტს საფუძვლად აშშ-ის პრეზიდენტის, დონალდ ტრამპის ერთ-ერთ ბრძანება უდევს. რომლის მიხედვითაც, ტრამპმა პენტაგონს სამხედრო კოსმოსური ძალები შექმნა დაავალა. აშშ-ის პრეზიდენტის აზრით, ეს კიდევ ერთხელ დაამტკიცებდა კოსმოსში აშშ-ის დომინირებას.

ტრამპის აზრით, ეს გეგმა უზრუნველყოფს, რომ ამერიკა, რომელიც მთვარეზე დაბრუნებასა და მარსის მისიას აპირებს, კოსმოსურ რბოლაში ჩინეთსა და რუსეთზე წინ იყოს.

1967 წლის კოსმოსის შესახებ შეთანხმების თანახმად, რომელსაც სსრკ-მ, აშშ-მ და დიდმა ბრიტანეთმა მოაწერეს ხელი, დედამიწის, მთვარისა და ხელოვნური თანამგზავრების ორბიტებზე მასობრივი განადგურების იარაღის განთავსება აკრძალულია. შემდგომში შეთანხმებას სხვა ქვეყნებიც შეუერთდნენ, თუმცა ჩვეულებრივი იარაღის განთავსებას ის არ არეგულირებს.

შოუს სიუჟეტი სავარაუდოდ ამ კოსმოსური არმიის წევრი ქალისა და კაცის შესახებ მოგვითხრობს.

ეს სტივ კარელის მონაწილეობით მეორე დაანონსებული სერიალია. ის ასევე მონაწილეობას იღებს ეფლის დაკვეთით გადაღებულ სერიალში, სადაც მისი პარტნიორები ჯენიფერ ენისტონი და რიზ უიზერსპუნი იქნებიან.