ოქროს გლობუსის ღამე რომ გამორჩეული და სახალისო იყო, ამაზე მოწმობს რემი მალეკის ნიკოლ კიდმანთან და ლედი გაგასთან შეხვედრის კადრებიც.

მსახიობი, რომელსაც უცხოური პრესის ასოციაციამ ჯილდო გადასცა, არა ამ პრიზით მოექცა ყურადღების ცენტრში, არამედ მისი სიმორცხვითა და უცნაური ქცევით.

განსაკუთრებით დასამახსოვრებელი იყო Bohemian Rhapsody-ის გამარჯვების შემდეგ სცენაზე ასული რემი მალეკი, რომელიც ნიკოლ კიდმანთან კონტაქტის დამყარებას ყველა ხერხით ცდილობდა.

ეს ამბავი, რა თქმა უნდა, არ გამორჩენია ჯიმი კიმელს და მის გადაცემაში სტუმრად მისულ მალეკს ეს უხერხული ვიდეოც აჩვენა.

კადრების ნახვის შემდეგ მსახიობმა სიცილისგან თავი ვერ შეიკავა და განმარტებაც გააკეთა.

"ვაღიარებ, ეს ცოტა უჩვეულო სანახაობაა. მე მას წლებია ვიცნობ, შესაბამისად ძალიან მარტივი იყო მივსულიყავი და მივსალმებოდი, თუმცა ხომ ხვდებით, ეს სულ სხვა სიტუაცია იყო", - თქვა რემიმ.