პარიზში მდებარე ლუვრის მუზეუმს მსოფლიო მასშტაბით არსებულ სხვა მუზეუმებს შორის ყველაზე ხშირად სტუმრობენ. თუმცა, მისი ვიზიტორების რაოდენობა 2018 წელს კიდევ უფრო გაიზარდა და რეკორდულ რიცხვს, 10,2 მილიონს გადააჭარბა.

მნახველების მატება ბიონსეს ბოლო კლიპთანაა დაკავშირებული, რომელიც მან ქმართან, ჯეი-ზისთან ერთად ლუვრის მუზეუმში გადაიღო. კლიპში წყვილის გარდა ვხედავთ ლეონარდო და ვინჩის მონა ლიზას და ლუვრში გამოფენილ სხვა შედევრებს. კლიპში ასევე ჩანან ბიონსესა და ჯეი-ზის მოცეკვავეები.

კარტერებმა კლიპი სიმღერაზე APES**T 16 ივნისს გამოუშვეს და მას იუთუბზე უკვე 147 მილიონზე მეტი ნახვა აქვს.

ლუვრის ვიზიტორების რიცხვი ყველაზე მეტად ამერიკიდან, ჩინეთიდან, ბრაზილიიდან და ევროპის ქვეყნებიდან გაიზარდა.