The Associated Press-ის ცნობით, ამერიკელი მომღერალი კრის ბრაუნი $250 000 გირაოს სანაცვლოდ გაათავისუფლეს.

მომღერალი ლოს ანჯელესში, შეიარაღებული თავდასხმის ბრალდებით დააკავეს.

ბრაუნი თავდასხმაში სილამაზის კონკურსის მის კალიფორნიას გამარჯვებულმა ბეილი კურანმა დაადანაშაულა. მან LA Times-თან ინტერვიუში განაცხადა, რომ კრის ბრაუნმა იარაღი სახესთან მიუტანა და დაემუქრა.

კრის ბრაუნი დანაშაულს უარყოფს, მისი ადვოკატის თქმით კი, ბრალდებები ყალბია.

მომღერალს ძალადობის მუხლით ბრალი წარსულშიც წაუყენეს. 2009 წელს, კრის ბრაუნმა თავის მეგობარ გოგოს რიანას სცემა.