28 დეკემბერს ნეტფლიქსის სერიალის შავი სარკე მაყურებელს დიდი სიურპრიზი ელის. არხისა და შოუს შემქმნელების გადაწყვეტილებით, ფანები არა მეხუთე სეზონს, არამედ 5 საათიან ფილმს იხილავენ.

ჯერ კიდევ დეკემბრის ბოლოს ვრცელდებოდა ჭორები, რომ შავი სარკე მეხუთე სეზონით 28 დეკემბერს დაბრუნდებოდა. მოგვიანებით გაირკვა, რომ ნეტფლიქსი Black Mirror-ის ახალ სეზონს 2019 წელს შემოგვთავაზებს. წინასაახალწლოდ კი შოუს ფანები მხოლოდ ამ ხუთ საათიან ფილმს უნდა დასჯერდნენ.

Black Mirror: Bandersnatch - ასე ჰქვია სპეციალურ ეპიზოდს, რომლის სიუჟეტიც 1984 წელს ვითარდება.

ახალგაზრდა პროგრამისტი ფენტეზის ჟანრის რომანს თამაშად აქცევს, მალე კი რეალობა და ვირტუალური სამყარო ერთმანეთში აირევა.

გარდა ამისა, ოქტომბერში გავრცელდა ინფორმაცია, რომ შავი სარკის მეხუთე სეზონში იქნებოდა სერია, რომლის სიუჟეტსაც მაყურებელი გააკონტროლებდა. აღმოჩნდა, რომ ეს ინტერაქტიული ეპიზოდი მთლიანი ბანდერსნაჩი იქნება.