ფრანკფურტის წიგნის ბაზრობა, რომლის საპატიო სტუმარი ქვეყანაც წელს საქართველო იყო, კვირას, 14 ოქტომბერს საზეიმოდ დაიხურა.

საზეიმო ცერემონიის ოფიციალური ნაწილის დასრულების შემდეგ ღონისძიების ავტორებმა ქართულ მხარეს სიურპრიზი მოუწყეს და დამშვიდობებისას "სულიკო" უმღერეს.

"ასეთი რამ ფრანკფურტის წიგნის ბაზრობის წარმომადგენლებს არასდროს გაუკეთებიათ, არასდროს", - წერს ვიდეოს ავტორი გვანცა ჯობავა აღწერაში.

საქართველომ 2019 წლის საპატიო სტუმრის სტატუსი ნორვეგიას გადაულოცა.

ტრადიციისამებრ, სპეციალური გრაგნილი ქართული წიგნის ეროვნული ცენტრის ხელმძღვანელმა მედეა მეტრეველმა ნორვეგიელ კოლეგას გადასცა.

გერმანულენოვანი აუდიტორიის ფოკუსში ქართული პროგრამა კონცეფციით Georgia Made by Characters / ანბანით მოთხრობილი საქართველო იყო წარმოდგენილი, რომელიც ერთი მხრივ, უნიკალურ ქართულ ანბანსა და უნიკალურ დამწერლობას, მეორე მხრივ კი ქართულ ხასიათებსა და პერსონაჟებს ეფუძნებოდა.

ამავე თემაზე: