ტოკიოში მიმდინარე აკი-ბაშოს მონაწილე ორმა ქართველმა: ლევან გორგაძემ (ტოჩინოშინი) და თეიმურაზ ჯუღელმა (გაგამარუ) ტურნირის მე-7 დღე გამარჯვებით დაასრულა.

ტოჩინოშინმა მონღოლი სეკივაკე იჩინოჯო დაამარცხა. მას ბალანსი 5:2-ზე აქვს და დადებითის განაღდებამდე სამი მოგება აშორებს. მისი მომდევნო მეტოქე ოძეკი გოეიდო იქნება.

რაც შეეხება გაგამარუს ის "ჯურიუ" დივიზიონში ცურუგიშოს დაუპირისპირდა და 7 ორთაბრძოლიდან სამი გამარჯვება მოიპოვა.

გაგამარუ რეიტინგში აღმოსავლეთის მე-12 ნომერი აღმოჩნდა. Sportall.ge-ს ცნობით, მან სეკიტორის სტატუსის შესანარჩუნებლად, 8 ბრძოლა უნდა მოიგოს. არის შანსი, რომ მაკე-კოშის შემთხვევაშიც არ დაქვეითდეს, თუმცა ეს გარკვეულწილად გამართლებაზეც იქნება დამოკიდებული.

აკი ბაშო ტოკიოს "რიოგოკუ კოკუგიკანის" სასახლეში 9 სექტემბერს დაიწყო და 15 დღე გაგრძელდება. 28 აგვისტოდან კი სუმოისტები მომზადების აქტიურ ფაზაში გადავლენ.