ჯორჯ მარტინს არასდროს ეშინოდა საკუთარ ნაწარმოებში ხალხისთვის ყველაზე საყვარელი პერსონაჟები მოეკლა. ეს ყველაფერი კარგად იციან HBO-ს საკულტო სერიალის, სამეფო კარის თამაშების მაყურებლებმა და მწერალს დღემდე ვერ პატიობენ ბევრი პერსონაჟის სიკვდილს.

ერთ-ერთ ბოლო ინტერვიუში, მარტინი საბოლოოდ ხდის ფარდას ამ მკვლელობების გარშემო ატეხილ აჟიოტაჟს და ამბობს, რომ ყველაფერი ბეჭდების მბრძანებლისა და მისი ავტორის, ტოლკინის ბრალია.

"ვერც კი აგიხსნით იმ საზარელი გამოცდილების შესახებ, რომელიც 13 წლის ასაკში მქონდა, სწორედ ამ პერიოდში ვკითხულობდი ბეჭდების მბრძანებელს. გემახსოვრებათ, ერთ-ერთ სცენაში ყველას გვგონია, რომ გენდალფი მკვდარია და მე ბოლო ხმაზე ვყვიროდი, შენ ვერ მოკლავ გენდალფს! შენ ვერ მოკლავ გენდალფს! თუმცა, შემდეგ გავაანალიზე, რომ ამან წიგნის მიმართ ინტერესი გამიათასმაგა და მივხვდი, რომ თუ გენდალფი მოკვდა, მაშინ შესაძლებელია ნებისმიერი პერსონაჟი მოკვდეს!", - ამბობს ჯორჯ მარტინი.