ახლახან გამოქვეყნებული კვლევის შედეგები მიუთითებს, რომ რეკომენდებულ შვიდ ან რვა საათზე დიდხანს ძილი სიკვდილის შანსს ზრდის.

მეცნიერებმა 74 სხვადასხვა კვლევის შედეგი გააანალიზეს, რომელშიც ჯამში 3 მილიონზე მეტი ადამიანი მონაწილეობდა და აღმოაჩინეს, რომ 10 საათის განმავლობაში ძილი ნაადრევი სიკვდილის შანსს 30 პროცენტით ზრდიდა.

უფრო მეტიც, ლოგინში 10 საათზე მეტის გატარება ინსულტის შანსს 56 პროცენტით ზრდის, ხოლო კარდიოვასკულარული სისტემის დაავადებებისას კი - 49 პროცენტით. ცუდი ხარისხის ძილი გულის კორონალური დაავადებების 44-პროცენტიან ზრდასთანაც არის დაკავშირებული.

"ძილის რაოდენობასა და ხარისხზე კულტურულ, სოციალურ, ფსიქოლოგიურ და გარემო ფაქტორებს დიდი გავლენა აქვს. ძილის რეჟიმის არევა შეიძლება ბავშვებმაც გამოიწვიონ, რომელთაც მოვლა სჭირდებათ, ან ღამის ცვლის სამსახურმა. ამ ყველაფერს ხელს ისიც უწყობს, რომ თანამედროვე საზოგადოებაში ადამიანებს საკვებზე და სხვა საყოფაცხოვრებო ნივთებზე ხელი 24 საათის განმავლობაში მიუწვდებათ, რაც ბუნებრივი რეჟიმიდან ამოვარდნას იწვევს", - ამბობენ კვლევის ავტორები.

მეცნიერები ასევე აღნიშნავენ, რომ მათი ვარაუდების დასადასტურებლად დამატებითიკვლევების ჩატარებაა საჭირო, რადგან აღნიშნულ ექსპერიმენტში ძილის ხანგრძლივობას თავად ცდისპირები ზომავდნენ, რასაც, შესაძლოა, უზუსტობები გამოეწვია.

ამავე თემაზე: