ბოლო განახლების შედეგად GTA Online-ში (ქსელის რეჟიმისთვის - GTA 5) საკუთარი ღამის კლუბის ყიდვა შეგიძლიათ, სადაც ცეკვას, გართობასა და ალკოჰოლის დალევას შეძლებთ.

ბარის მენიუში კი ვისკი "მაკბეტი" გამოჩნდა, რომლის დალევაც ავტომატურად გთიშავთ, ცოტა ხანში კი შეიძლება ცათამბჯენის თავზე, ბილბორდის ბოძზე ან მთაზე გამოიღვიძოთ.

სად აღმოჩნდებიან მოთამაშეები ვისკის დალევის შემდეგ

ზოგჯერ ვისკის დალევის შემდეგ მოთამაშეები უნიკალურ მაისურებს იღებენ წარწერით: Kifflom. ამისათვის, მათმა პერსონაჟებმა იმ ცათამბჯენის თავზე უნდა გაიღვიძონ, რომელიც ორგანიზაცია Epsilon-ს ეკუთვნის.

Got piss drunk in the club, passed out, and woke up on top of the Kifflom Building with a new unlock able shirt. from r/gtaonline

"დავთვერი კლუბში, გავითიშე და გავიღვიძე Kifflom-ის შენობის სახურავზე ახალ მაისურში."

მოთამაშეები უნიკალური მაისურის მოსაპოვებლად ღამის კლუბს რეგულარულად სტუმრობენ და ვისკისაც სვამენ. ხშირ შემთხვევაში - სრულიად ტყუილად. ცათამბჯენზე გაღვიძება ასეთი ადვილი სულაც არაა.

Epsilon-ის ნამდვილი მაისურის ყიდვა შესაძლებელი იყო Rockstar-ის ოფიციალურ გვერდზე, მაგრამ ამ ეტაპზე მათი რაოდენობა ამოწურულია.