ზაფხულის მოსვლასთან ერთად რეგიონებში წასვლა და ბებია-ბაბუასთან დასვენება წლიდან წლამდე არ იცვლება და შეიძლება ითქვას, რომ ერთგვარი ტრადიციაა.

მიუხედავად იმისა, რომ სოფელში ყოფნის დროსაც ხშირად ინტერნეტს ვერ ვწყდებით, არის მომენტები, როცა "ფესვებს ვუბრუნდებით" და თავს სხვადასხვა გასართობით ვიქცევთ, მაგალითად მივდივართ მდინარეზე, ვსეირნობთ ან კარტს ვთამაშობთ.

როგორც აღმოჩნდა, ასეთი დასვენება და განტვირთვა არც ჰოლივუდის ვარსკვლავებისთვის არის უცხო და პირიქით, ძალიან აქტუალურია. ამას მოწმობს ცოცხალი ლეგენდის, ჯულია რობერტსის ბოლო ინსტაგრამის პოსტიც.

Sunday, We love you. 🌼 J♥️E

A post shared by Julia Roberts (@juliaroberts) on

როგორც ცნობილია ფოტო ჰავაიში, ჯულია რობერტსის საზაფხულო ვილაში არის გადაღებული და მასზე ამერიკის ორი წამყვანი მსახიბი ჯულია და ემა რობერტსები ძალიან შინაურულ გარემოში ბანქოს თამაშობენ.

ამერიკულმა მედიამ მალევე აიტაცა ეს ფოტო და არაერთი სტატია მიუძღვნა. ბევრი მათგანი გაოგნებული იყო იმით, რომ ჯულია საერთოდ არ ჰგავდა იმ ქალს, რომელიც ჟურნალის პრიალა ყდებიდან გვიღიმოდა, ბევრიც მის ნაოჭებზე ამახვილებდა ყურადღებას.

რეალურად კი ფოტო, რომელზეც ჯულია რობერტსი უმაკიაჟოდ და ძალიან ბუნებრივად გამოიყურება, კიდევ ერთხელ გვახსენებს მიზეზს, თუ რის გამო უყვართ ამერიკელებს და არა მხოლოდ მათ ეს მსახიობი - ის ჩვენნაირია, ყოველგვარი გადაპრანჭვებისა და ზედმეტი სიჭრელეების გარეშე, არ ერიდება უმაკიაჟოდ გამოჩენას და მეტიცი, მისთვის ეს ბუნებრივი მდგომარეობაა, რასაც ბევრი ჰოლივუდელი პირიქით, გაურბის.

რა თქმა უნდა ფოტო საკუთარ ინსტაგრამზე ემა რობერტსმაც დადო და ძალიან "ქართულად" მიაწერა რომ მამიდასთან ერთად ბანქოს თამაშობს.

წარმოგიდგენიათ რა დიდებულია, როდესაც მამიდაშენი არც მეტი, არც ნაკლები ერთადერთი და განუმეორებელი ჯულია რობერტსია?!