Stranger Things-ის მესამე სეზონის მოლოდინში კიდევ მინიმუმ ერთი წელი უნდა გავიდეს, თუმცა როგორც შოუს პროდიუსერები გვპირდებიან ლოდინი ნამდვილად ღირს.

ძმები დაფერების გადაწყვეტილებით, სერიალის გამოსვლის თარიღმა გადაიწია და ის 2019 წლის ზაფხულში გამოვა.

"მესამე სეზონი გაცილებით სერიოზული, საინტერესო და მაღალი დონის იქნება, ვიდრე მეორე სეზონი და ამისთვის მის შექმნას მეტი დრო სჭრირდება. მართალია ლოდინის ხანგრძლივობა გაიზარდა, თუმცა მინდა გითხრათ, რომ იმედები არ გაგიცრუვდებათ, რადგან მესამე სეზონი წინაზე გაცილებით უკეთესი იქნება", - ამბობს ნეტფლიქსის პროგრამების განყოფილების პრეზიდენტი სინდი ჰოლანდი.

რაც შეეხება მესამე სეზონს, სიუჟეტის 1985 წლის ზაფხულში განვითარდება, წინა სეზონის ისტორიიდან ზუსტად ერთი წლის შემდეგ.

ხანგრძლივი ლოდინი შემდეგ კი ნეტფიქსმა შოუს პირველი ოფიციალური ტიზერიც გაავრცელა:

მესამე სეზონთან დაკავშირებით ტიზერი ბევრს არაფერს გვიყვება, ერთდერთი რასაც ვიგებთ არის ის, რომ ჰოუკინსში ახალი სავაჭრო ცენტრი იხსნება, რომლის ერთ-ერთ მაღაზია Ahoy-შიც სტივი ნაყინებს ყიდის, აქვე ვიცნობთ ახალ პერსონაჟ რობინსაც, რომლის როლსაც მაია ჰოუკი ასრულებს.

გარდა ამისა, მოლის გახსნის თარიღად ტიზერში "შემდეგი ზაფხული" სახელდება, რაც ბევრისთვის მინიშნება გახდა იმისა, თუ როდის გამოვა სერიალის მესამე სეზონი.

მესამე სეზონზე ვიცით ისიც, რომ ძველ პერსონაჟებთან ერთად რამდენიმე ახალსაც ვიხილავთ. შოუს დაემატა მსახიობი ფრანჩესკა რიალე, რომელიც ჰეიზელრის, ჰოუკინსის საცურაო აუზის მაშველის როლს მოირგებს და თუ შოუს შემქმნელებს დავუჯერებთ, ის მესამე სეზონის ყველაზე მისტიკური ამბის ეპიცენტრში იქნება.

ფრანჩესკა რიალეს გარდა, შოუს მესამე სეზონს ორი მსახიობი - ქერი ელვისი და ჯეიკ ბიუსიც დაემატა.

როგორც შოუს პროდიუსერი შონ ლევი ამბობს, მესამე სეზონი შესაძლოა მეორეს მსგავსად, 9 ეპიზოდით დაბრუნდეს.