საქართველოს საპატრიარქო ტვ პირველის ეთერში ფოთისა და ხობის მიტროპოლიტის გრიგოლის განცხადებას გამოეხმაურა. 23 ივლისს მიტროპოლიტმა გადაცემა რეაქციის პირდაპირ ეთერში თქვა, რომ იყო მცდელობა, პატრიარქი გადამდგარიყო.

საპატრიარქოს განცხადებაში ნათქვამია, რომ რუსთავი 2-მა თემა "განავითარა" და არაერთი საერო პირისადმი გამოთქმული "დაუსაბუთებელი ბრალდებები" გააჟღერა. საპატრიარქოს მიაჩნია, რომ ამის მიზანი იყო საზოგადოებაში მიტროპოლიტ შიო მუჯირისადმი დადებითი განწყობისთვის "ჩრდილი მიეყენებინათ":

"სხვა მიზეზი რომ ვერ მოძებნეს, მოინდომეს მისი პრორუსულ ძალად წარმოჩენა, რომელიც, თურმე, კათოლიკოს-პატრიარქის ტახტის მოსაყდრედ მისმა უწმინდესობამ იძულებით გამოარჩია (მიანიშნებენ რუსულ ჩარევაზე) და ასევე იძულებით, დაჩქარებული წესით, უნდა მომხდარიყო პატრიარქად მისი გახდომა".

განცხადებაში აღნიშნულია, რომ პატრიარქი ვინმეს ზეწოლით არასდროს მოქმედებს.

"მისი იძულება, მითუმეტეს ეკლესიისა და ქვეყნისათვის მნიშვნელოვან საკითხებთან დაკავშირებით; რა თქმა უნდა, იგივე ითქმის მოსაყდრესთან მიმართებაშიც".

საპატრიარქოს განცხადებით, კითხვებით კი მიტროპოლიტ გრიგოლს უნდა მიმართონ, რადგან "რეალურად სხვამ არავინ იცის, რას და ვის გულისხმობდა იგი".